ದವಣಗೆರೆ: ಲೋಕಸಭೆ ಚುನಾವಣೆಯಲ್ಲಿ ಬಿಜೆಪಿಗೆ ಸೋಲಿನ ಭೀತಿಯೋ ಇಲ್ಲ. ಸೋಲಿನ ಭೀತಿಯಲ್ಲಿರುವ ವಿರೋಧ ಪಕ್ಷಗಳು ಬಿಜೆಪಿಯ ವಿರುದ್ಧ ಇಲ್ಲಸಲ್ಲದ ಆರೋಪ ಮಾಡುತಿವೆ ಎಂದು ಗ್ರಾಮೀಣಾಭಿವೃದ್ಧಿ ಇಲಾಖೆ ಸಚಿವೆ ಶೋಭಾ ಕರಂದ್ಲಾಜೆ ದೂರಿದ್ದಾರೆ. ನಗರದಲ್ಲಿ ಸೋಮವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು ಸೋಲಿನ ಭೀತಿಯಲ್ಲಿರುವ ಕಾಂಗ್ರೆಸ್, ಜೆಡಿಎಸ್ ಪಕ್ಷಗಳ ಹತಾಶೆಗೊಂಡಿರುವುದಲೇ ಅಲ್ಲದೆ, ಅಪಪ್ರಚಾರಕ್ಕಿಳಿದಿವೆ ಎಂದರು

ಹೊನ್ನಾಳಿ: ತಾಲೂಕಿನ ಹೊಳೆಹರಳಹಳ್ಳಿಯಲ್ಲಿ ಗುರುವಾರ ಶಾಸಕ ಹಾಗೂ ಹಟ್ಟಿ ಚಿನ್ನದ ಗಣಿ ಅಧ್ಯಕ್ಷ ಎಂ.ಪಿ. ರೇಣುಕಾಚಾರ್ಯ ಅವರು ಪಕ್ಷದ ಹಿರಿಯ ಮುಖಂಡರೊಂದಿಗೆ ಗ್ರಾಮದಲ್ಲಿ ಬಿಜೆಪಿ ಅಭ್ಯರ್ಥಿ ಜಿ.ಎಂ. ಸಿದ್ದೇಶ್ವರ ಪರ ಮತಯಾಚನೆ ಮಾಡಿದರು ಈ ಸಂದರ್ಭದಲ್ಲಿ ಮಾತನಾಡಿದ ಅವರು, ಈ ಹಿಂದೆ ಕೇಂದ್ರದಲ್ಲಿ ವಾಜಪೇಯಿ ಅವರ ನೇತೃತ್ವದಲ್ಲಿ ಎನ್‍ಡಿಎ ಸರ್ಕಾರ ಮಾಡಿದ ಜನಪರ ಕಾರ್ಯಕ್ರಮಗಳ ಬಗ್ಗೆ ಹಾಗೂ ಪ್ರಸ್ತುತ ರಾಜ್ಯದಲ್ಲಿ ಯಡಿಯೂರಪ್ಪ ನೇತೃತ್ವದ ಬಿಜೆಪಿ ಸರ್ಕಾರ ಕೈಗೊಂಡ ಹತ್ತು ಹಲವು ಯೋಜನೆಗಳ ಬಗ್ಗೆ ಜನರಿಗೆ ತಿಳಿಸಿದರು.

ಹತ್ತಾರು ವರ್ಷ ಆಡಳಿತ ನಡೆಸಿದ ಕಾಂಗ್ರೆಸ್ ಹಾಗೂ ಇತರೆ ಪಕ್ಷಗಳ ಆಡಳಿತ ವೈಕರಿಯನ್ನು ಕಟುವಾಗಿ ಟೀಕಿಸಿದರು. ಮತಯಾಚನೆ ಕಾರ್ಯಕ್ರಮದಲ್ಲಿ ಬಿಜೆಪಿ ತಾಲೂಕು ಅಧ್ಯಕ್ಷ ಎ.ಬಿ. ಹನುಮಂತಪ್ಪ, ಯುವ ಮುಖಂಡ ಪ್ರಭು, ರೈತ ಮೋರ್ಚಾ ರಾಜ್ಯ ಕಾರ್ಯದರ್ಶಿ ಶಾಂತರಾಜ್ ಪಾಟೀಲ್ ಇತರರು ಇದ್ದರು. ಇಂದು ಸಿದ್ದೇಶ್ವರ್ ಪ್ರಚಾರ ಚನ್ನಗಿರಿ: ಲೋಕಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಜಿ.ಎಂ. ಸಿದ್ದೇಶ್ವರ್ ಏ.೧೦ಕ್ಕೆ ತಾ.ನ ಅಮ್ಮನಗುಡ್ಡದ ಕುಕ್ಕುವಾಡೇಶ್ವರ ದೇವಿಗೆ ಪೊಜೆ ಸಲ್ಲಿಸಿ ಪ್ರಚಾರ ಕಾರ್ಯಕ್ಕೆ ಚಾಲನೆ ನೀಡಿವರು.

ಶಾಸಕ ಮಾಡಾಳ್ ವಿರೂಪಾಕ್ಷಪ್ಪ, ರುದ್ರಸ್ವಾಮಿ ಸೇರಿದಂತೆ ಕಾರ್ಯಕರ್ತರು ಹೊಸಳ್ಳಿ, ಶಿವಾಜಿನಗರ, ಜೋಳದಾಳ್, ಗಾಣದಕಟ್ಟೆ, ಗೋಪನಾಳ್, ಹನುಮಂತನಗರ, ಹರೊನಹಳ್ಳಿ, ಅಜ್ಜಿ ಹಳ್ಳಿ, ಸುಣಿಗೆರೆ, ಮಾವಿನಕಟ್ಟೆ, ಮಾದೇನಹಳ್ಳಿ, ಬಸವಾಪುರ, ಗುರುರಾಜಪುರ, ಬಿಆರ್‌ಟಿ ಕಾಲೊನಿ, ಹಿರೇಮಳಲಿ, ಮುದಿಗೆರೆ, ಚಿಕ್ನೋಲಿಕೆರೆ, ದೋಣೆಹಳ್ಳಿಗಳಲ್ಲಿ ಪ್ರಚಾರ ನಡೆಸುವರು.

ಹೊನ್ನಾಳಿ: ಸಂಸದರು ಎಂದರೆ ಕೇವಲ ದಿಲ್ಲಿಯಲ್ಲಿ ಕುಳಿತು ಆಡಳಿತ ನಡೆಸುವುದಲ್ಲ. ಬದಲಿಗೆ ಹಳ್ಳಿಗೆ ಆಗಮಿಸಿ ಗ್ರಾಮೀಣ ಜನತೆಯ ಸ್ಥಿತಿಗತಿಗಳ ಸುಧಾರಣೆಗೆ ಕೆಲಸ ಮಾಡಬೇಕು ಎಂದು ಮೂದಲು ತೋರಿಸಿಕೊಟ್ಟವರು ಮಾಜಿ ಸಂಸದ ದಿ.ಜಿ.ಎಂ ಮಲ್ಲಿಕಾರ್ಜುನಪ್ಪನವರು. ತಂದೆ ಮಾರ್ಗವನ್ನೆ ಅವರ ಪುತ್ರರಾದ ಜಿ.ಎಂ.ಸಿದ್ದೇಶ್ ಅವರು ಪಾಲಿಸುತ್ತಾ ತಮ್ಮ ಕ್ಷೇತ್ರದ ಪ್ರತಿ ಹಳ್ಳಿಗರ ಬಳಿ ಬಂದು ಕೆಲಸ ಮಾಡಿದ್ದಾರೆ ಎಂದು ಎಂ.ಪಿ ರೇಣುಕಾಚರ್ಯ ಹೇಳಿದರು. ಗುರುವಾರ ಮಧ್ಯಾಹ್ನ ತಾಲೂಕಿನ ರಾಂಪುರದಲ್ಲಿ ಆಯೋಜಿಸಿದ್ದ ಸಾಸ್ವೇಹಳ್ಳಿ ಜಿಲ್ಲಾ ಪಂಚಯಿತಿ ಕ್ಷೇತ್ರವ್ಯಾಪ್ತಿಯ ಬಿಜೆಪಿ ಶಕ್ತಿ ಕೇಂದ್ರದ ಕಾರ್ಯಕರ್ತರ ಸಭೆಯಲ್ಲಿ ಅವರು ಮಾತನಾಡಿದರು. ರಾಜ್ಯದಲ್ಲಿ ಬಿ.ಎಸ್. ಯಡಿಯೂರಪ್ಪ ಅವರು ಇಡಿ ರಾಜ್ಯದ ಅಭಿವೃದ್ಧಿಗೆ ಕೋಟಿಗಟಲೆ ಅನುದಾನ ನೀಡುತ್ತಾ ಅಭಿವೃದ್ಧಿಗೆ ನಿರಂತರ ಶ್ರಮಿಸುತ್ತಾ ದೇಶದಲ್ಲಿ ಕರ್ನಾಟಕವನ್ನು ಮಾದರಿ ರಾಜ್ಯವನ್ನಾಗಿಸುವ ನಿಟ್ಟಿನಲ್ಲಿ ಕಾರ್ಯೋನ್ಮುಖರಾಗಿದ್ದಾರೆ. ಕೇಂದ್ರದಲ್ಲಿ ದೇಶದ ಹಿತಾಸಕ್ತಿ ಕಾಯಕ ಸರ್ಕಾರದ ರಚನೆಗೆ ಜನತೆ ಬಿಜೆಪಿ ಬೆಂಬಲಿಸುವಂತೆ ಕಾರ್ಯಕರ್ತರು ಅವರ ಮನವೊಲಿಸಬೇಕು ಎಂದು ಕರೆ ನೀಡಿದರು. ಬಿಜೆಪಿ ತಾಲೂಕು ಅಧ್ಯಕ್ಷ ಎ.ಬಿ ಹನುಮಂತಪ್ಪ. ತಾಲೂಕಿನ ಅಭಿವೃದ್ದಿಗೆ ಸಂಸದ ಜಿ.ಎಂ. ಸಿದ್ದೇಶ್ ಅವರ ಕೊಡುಗೆಗಳ ಕುರಿತು ಮಾತನಾಡಿದರು. ಸಾಸ್ವೇಹಳ್ಳಿ ಹೋಬಳಿ ಬಿಜೆಪಿ ಮುಖಂಡ ಗದ್ದಿಗೇಶ, ತಾಲೂಕು ಪಂಚಾಯಿತಿ ಸದಸ್ಯ ಬಸವರಾಜಪ್ಪ, ಎಸ್ಸಿ ಎಸ್ಟಿ ಘಟಕದ ಮುಖಂಡ ಹಾಲೇಶ್ ಉಪಸ್ಥಿತರಿದ್ದರು.

ದಾವಣಗೆರೆ: ಲೋಕಸಭಾ ಕ್ಷೇತ್ರಕ್ಕೆ ಚುನಾವಣಾ ಅಧಿಸೂಚನೆಯನ್ನು ಏ.೨ ರಂದು ಹೊರಡಿದ್ದು ಇಂದೆ ನಾಮಪತ್ರ ಸಲ್ಲಿಸುವ ಪ್ರಕ್ರಿಯೆ ಅರಂಭಗೊಳ್ಲಲಿದೆ ಎಂದು ಜಿಲ್ಲಾಧಿಕಾರಿ ಎನ್.ಮಂಜುನಾಥ ಪ್ರಸಾದ್ ತಿಳಿಸಿದ್ದಾರೆ. ಚುನಾವಣೆಗೆ ಸ್ಪರ್ಧಿಸುವ ಅಭ್ಯರ್ಥಿಗಳು ಮತ್ತವರ ಬೆಂಬಲಿಗರು ಸಂಚಾರಕ್ಕೆ, ಪ್ರಚಾರಕ್ಕೆ ಬಳಸುವ ವಾಹನಗಳಿಗೆ ಈ ಪ್ರಾಧಿಕಾರದಿಂದ ನೀಡಲಾಗುವ ಅಧಿಕೃತ ವಾಹನ ಪರವಾನಗಿ ಪಡೆದಿರಬೇಕು ಎಂದಿದ್ದಾರೆ.

ದಾವಣಗೆರೆ: ದೇಶದಲ್ಲಿ ನೆಡೆಯುತ್ತಿರುವ ಭಯೋತ್ಪಾದನೆ, ಉಗ್ರರ ಉಪಟಳ ಹೆಚ್ಚಾಗುವುದಕ್ಕೆ ಕಾಂಗ್ರೆಸ್ ಪಕ್ಷವೇ ಕಾರಣ ಎಂದು ಸಂಸದ ಜಿ.ಎಂ. ಸಿದ್ದೇಶ್ವರ್ ದೂರಿದ್ದಾರೆ. ಜಗಳೂರು ತಾ.ಪಲ್ಲಾಗಟ್ಟೆ ಗ್ರಾಮದಲ್ಲಿ ಮಂಗಳವಾರ ಚುನಾವಣಾ ಪ್ರಚಾರ ಸಭೆಯಲ್ಲಿ ಅವರು , ಇದಕ್ಕಾಗಿ ಕೇಂದ್ರದಲ್ಲಿ ಬಿಜೆಪಿಯನ್ನು ಅಧಿಕಾರಕ್ಕೆ ತರುವಂತೆ ಮನವಿ ಮಾಡಿದರು.

ಮಾಜಿ ಶಾಸಕ ಟಿ.ಗುರುಸಿದ್ದನಗೌಡ, ತಾಲೂಕಿನ ೨೨ ಕೆರೆಗೆ ನೀರು ತುಂಬಿಸುವ ಯೋಜನೆ ರೂಪಿಸಿ, ಬರಗಾಲದ ಬೇಗೆಯಿಂದ ಜನರ ಪಾರು ಮಾಡಿರುವ ಬಿಜೆಪಿ ಬೆಂಬಲಿಸುವ ಮೂಲಕ ತಾಲೂಕಿನ ಸಮಗ್ರ ಪ್ರಗತಿಗೆ ಜನತೆ ಸಹಕರಿಸಬೇಕು ಎಂದರು.ತಾಲೂಕು ಬಿಜೆಪಿ ಅಧ್ಯಕ್ಷ ಶಿವಕುಮಾರಯ್ಯ, ದಿಬಗೂರು ಬಸವರಾಜ್, ಲೋಕಣ್ಣ ಇದ್ದರು. ಇದೇ ವೇಳೆ ಕಾಂಗ್ರೆಸ್ ಮುಖಂಡರಾದ ಸೋಮಣ್ಣ, ಭಗವಂತಪ್ಪ, ಹನುಮಂತಪ್ಪ, ದಾಸಪ್ಪ ಬಿಜೆಪಿಗೆ ಸೇರ್ಪಡೆಯಾದರು.ಸ್

ವಾಲ್ಮೀಕಿ ಪೀಠಕ್ಕೆ ಭೇಟಿ ಹರಿಹರ:
ತಾಲೂಕಿನ ರಾಜನಹಳ್ಳಿ ವಲ್ಮೀಕಿ ಗುರುಪೀಠದ ಮಠಕ್ಕೆ ಮಂಗಳವಾರ ಮಾಜಿ ಪ್ರಧಾನಿ ಎಚ್.ಡಿ. ದೇವೇಗೌಡ ಅವರು ಭೇಟಿ ನೀಡಿ, ಶ್ರೀ ಪ್ರಸನ್ನಾನಂದ ಸ್ವಾಮೀಜಿಯವರಿಂದ ಅಶೀರ್ವಾದ ಪಡೆದರು. ಮಠಕ್ಕೆ ಅಗಮಿಸಿ ಶ್ರೀ ಪುಣ್ಯನಂದ ಪುರಿ ಸ್ವಾಮೀಜಿ ಗದ್ದುಗೆಗೆ ಪೊಜ ಸಲ್ಲಿಸಿದರು. ಮುಖಂಡರಾದ ಎಚ್. ಎಸ್. ಶಿವಶಂಕರ್, ಕೆ.ಚಂದ್ರಪ್ಪ, ನಾಗೇಶ್ವರರಾವ್, ಕೋಳೆನಹಳ್ಳಿ ಸತೀಶ್, ಟಿ.ದಾಸಕರಿಯಪ್ಪ ಕೆ.ನಾರಾಯಣ, ಹೂವಿನಮಡುಚಂದ್ರಪ್ಪ ಇದ್ದರು.

ಕನ್ನಡ ಸಂಘಟನೆ ಪರ ಸಂಡೂರ್ ಅಭ್ಯರ್ಥಿ ದಾವಣಗೆರೆ:
ನಾಡು, ನಾಡು, ನುಡಿ, ಗಡಿ, ಜಲದ ಜ್ವಲಂತ ಸಮಸ್ಯ ನಿವಾರಿಸುವ ಸದುದ್ದೇಶದಿಂದ ಲೋಕಸಭಾ ಚುನಾವಣೆಯಲ್ಲಿ ಸ್ಪರ್ದಿಸುತ್ತಿರುವುದಾಗಿ ಕನ್ನಡ ಪರ ಸಂಘಟನೆಗಳ ಅಭ್ಯರ್ಥಿ, ಮಾಯಕೊಂಡದ ಕನ್ನಡ ಯುವ ಶಕ್ತಿ ಕೇಂದ್ರದ ಅಧ್ಯಕ್ಷ ರಾಜಶೇಖರ್ ತಿಳಿಸಿದ್ದಾರೆ. ನಗರ್‍ಅದಲ್ಲಿ ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಈ ವಿಷಯ ತಿಳಿಸಿದ ಅವರು, ಮಾಯಕೊಂಡ ಗ್ರಾಮದ ಕನ್ನಡ ಯುವಕ್ತಿ ಕೇಂದ್ರದ ಕಾರ್ಯಕರ್ತನಾಗಿ, ಅಧ್ಯಕ್ಷನಾಗಿ ಸೇವೆ ಸಲ್ಲಿಸುತ್ತಿದ್ದು, ಇಂಜಿನಿಯರಿಂಗ್ ಪದವೀಧರರಾದ ತಾವು ಕನ್ನಡ ಸೇವೆಗಾಗಿ ಜಿಲ್ಲಾಡಳಿತದಿಂದ ರಾಜೋತ್ಸವ ಪ್ರಶಸ್ತಿ ಪಡೆದಿರುವುದಾಗಿ ಅವರು ಮಾಹಿತಿ ನೀಡಿದರು. ರಾಜಶೇಖರ್, ಜಗದೀಶ, ಟಿ.ಪಿ. ರೇವಣಸಿದ್ದಪ್ಪ, ರಾಘ್‍ವೇಂದ್ರ ಮಾಯಕೊಂಡ, ಡಿ.ಟಿ. ಕೃಷ್ಣಮೂರ್ತಿ, ಶ್ರೀನಿವಾಸ್‍ಗಾಳೇರ್ ಇದ್ದರು.

ನಿವೃತ್ತ ಜಿಲ್ಲಾಧಿಕಾರಿ ಡಾ.ಪರಮೇಶ್ವರಯ್ಯ
ದಾವಣಗೆರೆ: ನಿವೃತ್ತ ಜಿಲ್ಲಾಧಿಕಾರಿ, ಯೋಗ ಶಿರೋಮಣಿ ಡಾ.ವೈ.ಎಂ.ಪರಮೇಶ್ವರಯ್ಯ(೯೦) ಅವರು ದಾವಣಗೆರೆ ವಿನೋಬ ನಗರದಲ್ಲಿ ಮಂಗಳವಾರ ನಿಧನರಾದರು. ಮೃತರ ನಾಲ್ವರು ಪುತ್ರರು, ಮೂವರು ಪುತ್ರಿಯರು ಸೇರಿದಂತೆ ಅಪಾರ ಬಂದು-ಬಳಗವನ್ನು ಅಗಲಿದ್ದಾರೆ. ಏ. ೧ರ ಬುಧವಾರ ಬೆಳಗ್ಗೆ ೧೧ ಗಂಟೆಗೆ ನಗರದ ಪಿ.ಬಿ. ರಸ್ತೆಯಲ್ಲಿರುವ ವೈಕುಂಠ ಧಾಮದಲ್ಲಿ ಮೃತರ ಅಂತ್ಯಕ್ರಿಯೆ ನೆಡೆಯಲಾಗಿತ್ತು ಎಂದು ಅವರು ಕುಟುಂಬ ಮೂಲಗಳು ತಿಳಿಸಿವೆ.